Patron ha Guinarona, May 16-17, 2011


Ni Romeo Magcuro, Jr.

Maupay an resulta han Patron ha Guinarona, Mayo 16-17.  Damo an visita, damo an nanguli tikang ha Manila.  Marisyo hin duro.  Maupay pa gud an panahon, malamrag kay bulanon.  Maupay guihap an resulta han GBHS/GNHS Alumni Homecoming, Mayo 15. Damo nga alumni an nag-attend.  Pero waray pa man uli hi San Pascual.  Baga damo la it hurob-hurob, pero diri ako ma-comment hito, kay waray man pruyba.

Pontifical Mass, Guinarona Fiesta 2011

Waray ako maka kita han prosisyon han vesperas kay mahamangno ako naglabay na an prosisyon.

May 17, Misa Pontifical.  An nag misa, hi Msgr. Felomino Bactol, nga hadto rector ha Palo Seminary.  Bishop ito hiya yana hit Diocese of Naval, Biliran.  Han iya sermon, nagsering hi Bishop Bactol nga tikang pala hiya ha Roma ug batid daw kuno ni Santo Papa it nahihitabo ha Guinarona, pati an pagkawara han rebolto ni San Pascual Baylon.  Sering niya, nga baga ayaw daw kita kasina kun hin-o man ito nga nagkuha han rebolto, ayaw daw kuno naton i-kiha, pabay-i daw la, basta la i-uli hi San Pascual.

Baga nag pasamwak pa gud hiya nga magkakamay-ada kuno it parokya hin SAN PASCUAL BAYLON CENTENNIAL PLUS, May 9-17, 2012.  Baga bilib daw kuno hiya hit website ni San Pascual, special mention pa gud.  Salit baga maaram na it bug-os nga Leyte hini nga Centennial Celebrations.

Advertisements

One thought on “Patron ha Guinarona, May 16-17, 2011

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s